| Poesia
cuata de Gino Farris |
 |
| In sa mesa dae tantu est su vozu biancu isettan a intundu nudos pessos cuatos bramosos de mutare chin grabu e dilichia s’arcana disizata Poesia. T’isetto pro bragare a sos ballos d’eranu istringhende in sa manu pannos de galavera: sa pinna, sa tinta paraulas... Intretzo tramas, sèpero prendas non ti cuntentas e istentas galana m’appentas m’istraccas, t'’attraccas t’imberghes e non ti rendes. Isco chi ballas nuda in campos de pruinca d’illacanatos chelos seperande sos velos de abiles tessitores ma poeta non so e né cantore. E s’adornare non poto pro miratas d’ispantu sas fattesas d’incantu nuda in punta ‘e pè balla nessi pro me.
|
|
