Po issu
de Sandro Chiappori

No iat ammarrisceddau
e mancu un'annìrghidu
si fiat intèndiu.
In foras in su corrali
pagus arrastus
mentris arruìat niatzu
in s'aena spratzinada
in s'eca sciusciada a terra
e baixica chi est po su steddu
bellu chi portàt in fronti
chi umbras malaitas
dd'èssint pinnicau.
Àrrida
iat essi imoi s'ànima mia
chi a bortas
in su serradìtziu 'e su mudori
no prangessi po issu.
Ma s'eca afacada
apu lassau a s'abetu
e no sciu chi candu
at a passai s'ierru
is làgrimas mias calladas
s’ant a sciòlliri
cumente fait sa nì.

Non aveva scalpitato/ e nemmeno un nitrito/ si era sentito./ Fuori nel cortile/ poche tracce/ mentre cadeva nevischio/ sull'avena sparsa/ sul cancello divelto in terra/ e chissà se è per la stella/ bella che aveva sulla fronte/ che malevoli ombre/ l'avessero portato via./ Arida/ sarebbe ora la mia anima/ se a volte/ nel chiuso del silenzio/ non piangessi per lui./ Ma il cancello accostato/ ho lasciato all'attesa/ e non so se quando/ passerà l'inverno/ le mie lacrime rapprese/ si scioglieranno/ come fa la neve.

2° Premio alla 29^ edizione del Concorso di Poesia in Lingua Sarda “Sant'Antoni de su o'u” – Mamoiada 19 Gennaio 2020