Po foste’…tiu Peppinu seriu e risulanu
custa poesia ispedo a maggiu
non este solu un’astru in passaggiu
l’iscrio in sardu e no in italianu
e l’attendede… unu lustru viaggiu
ca a mente este cumposta e a manu
ma si riere lu fatto in calchi manera
abbaidede da susu cun mente lizera

Regione Sarda nos cherede affossare
sas fabbricas oe gia sun serrende
bloccadu este tottu da pianu regionale
a tottu cantos che sun cazzende
su guvernatore este inutile a faeddare
ici e tassa de lussu este pensende
Tiu Peppinu si no ses inoghe residente
Sa domo la pagas in euro dolente

Poberos sardos tribagliadores
po mantennere pittica carena
Fuidos in terra furistera
in logu anzenu cazende suore
tassados sunu sena una pena
lassande sas domos cun tantu amore
Isola nostra fattu connoschere ana
Costa smeralda colonizzadu nos’ana

Sa Regione Sarda este pensende
A su sou patrimoniu
Chilcada s’inari a Montecitoriu
ma s’isula nos’este affunghende
las pensada tottu chei su dimoniu
busciacas suas s’este pienende
non residentes o emigrados a fiottu
tassan sos ruderes e domos a tottu

samunare tepimos a ratas
faccia, corpu, bustu e carena
s’abba puru nos tassada da vena
po recuperare sas malefattas
si no pagamos bes puru sa pena
chiotto o traldu t’indeagatas
a buttiu a buttiu faghen sa proa
sardos punidos da abbanoa

parimos inoghe in d’unu gabbiotto
s’isola totta a malumore
no bastada su caldu e su tepore
isetamos puru su maremotto
passada su tempus sena colore
ma s’Europa nos faghede cappotto
finida sa continuidade territoriale
privada sos sardos finas de olare

Gian Giuseppe Contini Flussio--Bosa 08-05-07

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!