PISCADORE

 Irmurinande isparghet colores
piantande traspirait su sole
in sa cussorja manna
de chelu.
Andat, su motu istraccu
tra lepias boches
in sa suffratta, grispisande
si franghet s'unda....
curren ride ride
predischeddas aggraminadas.
A murmuttu
si pesat su motore
lamas de luche d'incantu
jocan
chin s'ispuma e su lentore.
Sichit, in d'unu anticu cantu
in s'ampraria 'e su mare
su poveru traballu
de un'umile....
piscadore.

Rosario Porcu (Nuoro)