Piaghere mi da' si so solu,
iscultare musica e cantones,
de issas' apprezzo su sonu,
ca dana a sa vida pius colore.

A cantare proo senza oghe,
e canto puru senza melodia,
cantende no m'isetto lode,
pro me no est' cussa sa via.

Sa musica bella puru sola,
sa peraula chilca cumpagnia,
cun sa musica sa oghe s'intona'
e nasche gai s'armonia.

Artista chie musica sona',
sa peraula a cumponimentu,
su coru a sa musica s'intona',
chi pared' unu sol' istrumentu.

Eo puru chi oghe no haia,
e de sonare no happo talentu,
puru chi no sia sa oghe mia,
solu de iscultare so cuntentu.

Pro nde godire chie no ha modu,
legge sa musica cun sa fantasia,
de sas peraulas intende' su sonu,
iscrittas ind' una bella poesia.

Ollolai 09/12/2014