Paritzas boltas mi pregonto cantu bat, aberu, de sustanzia in su chi iscrimus... o allumancu, mi lu pregonto cando si iscrien “Paraulas” pro esser pertziadas in calchi aboju de cantadores, istrintas in sa “metrica” o “isoltas”. Pregonto a mie cando las “intro a pare” si non siana “Vanas”, o sian pedras chi ghetadas in abas pasan in fundales......
Pedras... chi sian gai graes e mudas? Calicune las faghet faeddare; e sun paraulas de crastos inchesos o nodos irboidados dae su tempus, roccaglios de mare a toroju.... o lis dain, cun sa poesia, vida e intragnas......
Cando mi cheglio innettare sa mente de immermeddos chi no atinan a nudda, torro a logos umbe s’anima s’ifriscat... e sa pedra, chest sa pedra, fraigada in muros o che ladas de liminares o istantariles, cunsonat de una oghe chi no bi est.

Pedras (Gavoi - isola delle storie)

Pregonto a mie e totu,
pruite..
in custa idda
fenzas sas pedras
non canten.
Pruite..
puru sas ladas
de sas carreras
non faedden,
non conten
contos
e paristiorias;
in custa Idda
umbe...
s’amistade
istrinta in sinu,
in ogros,
e in manos,
abirgonzit.......
chenza la costuire
sa disamistade!

Ooh pedras,
chi paraulas
e sonos intendides
dae galas,
e liberos isoltos
in boghes
ascultades,
e pitzinnos
in milli fainas
intendides;
Bois,
chi barconitos
froridos
rezides,
e trainos de Zente
cun milli pessares
sighides.....
cun d’una oghe
accumpanzadela,
nadeli
de torrare.

Pietre di Gavoi (traccia in lingua italiana)

Mi chiedo
del perchè...
le pietre
di questo paese
non cantino.
Perchè
le lapidi di granito
delle strade
non parlino,
non raccontino
storie vere
o favole ;
in questo paese
dove.....
l’amicizia
stretta nel cuore,
negli occhi,
nelle mani,
aborrisce
l’odio,
lo denuncia.

Pietre ! Ooh pietre,
che parole
e suoni sentite
dai palchi,
e libri sciolti
in voci
ascoltate,
e bimbi
in mille attività
sentite ;
Voi,
che balconi
fioriti
reggete,
e ruscelli di Genti
con mille pensieri
seguite....
accompagnatele
con un canto,
dite loro.....
Ritornate !

Giuanne Chessa (Torpè) - 09/07/2008

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!