Paret chi sia afranzadu cun Deos
Canno ti sedes e m’istas accantu
Su visu tou radiosu ispantu
mannat bagliores a sos ojos meos

Istat su coro colpidu a toccheddu
Sa voche morit si t’isto mirenne
In laras su sorrisu est arveschenne
Firma sa limba no at prus faeddu

Limbas de fogu mi curren in venas
Che fiammadas arribana a coro
Moghene sognos e a contu issoro
Intro sas nues che cuvan sas penas

Caente falat su sudore in fronte
Su visu si colorat e s’arrujat
Sa gula si mi sicat e mi brujat
Ma tottu infriscas alenu ‘e monte

Poi sa manu in pilos mi colas
Torrat su coro a currer passidu
Intro e gula s’abbrandat su sidu
Sas ranchidas ideas restan solas

Jannarju, 2016