Passigghiendi

Imbriaca di noia e di ventu,
gironzulu indrintu a u paesi.
I casi in faccia a u punenti
luccichigghjni di chiari riflessi.

S'aprini viculi e stradi
commi i veni pulsanti d'ù cori
e tutti adorini uguali,
di pani e rajòli, di grezzu e di finu,
dipendi dai mussi o u sudori.

Sbucchini indrintu a una piazza
pettegola e sazia
di fatti di vita isulana,
culà ogni gniccula è frana
e i rimedi si fanni a paroli.

U ventu sdillìga e strapazza
i sogni und'è i vasi di fiori,
u mari che cambia l'umori,
a luna che ridi undi sguazza.

E l'anni ci currinu appressu
tra u rancicu e u durci d'ù soli
cull'occhi di tanti finestri,
cu i voci più arti dei soni
e a fami più poara da' razza.

Nun gh'è jornu nun gh'è ora che passa
che nun paga u so tantu in valori.
qui indrintu si nasci e si mori
ad ogni calata di mazza.

Alba Leoni