Omine non ti antes.

Omine non ti antes,
cando ’e nudda ses padronu,
e mancu podes cumprendere
sa vida,
chi a sa carre tenes inghiriada,
ne’ sa morte,
chi times che nemiga,
ne’ s’universu,
chi a tie est arcanu.

Totu ti morit in manos,
su ch’as cun su ch’amas e disizas
e paret vanu
fintzas su tempus
chi proas a medire.

Omine non ti antes
ca ses che tzegu,
apalpidende muros de isperantzia

Franco Piga (Romana ‘SS’)
Santu Aìne 2006