Poesia in lingua sarda
Oje sessanta
Est'una notte magica, serena
in chelu cad'isteddu un'istinchidda
e deo mi pessavo cras in bidda
ad'esse vesta manna a die prena
pro chie ad'i su coro, in cada vena
samben cumpridu, calda sa mamidda
intendo un'interrogu, chie sunu?
chi toppan dae cuddane a da inoghe?
tottus a s'improvisu a una oghe
sun sas prellas de s'annu barantunu!
chi vestan sessant'annos in comunu
s'otto 'e capidanni (si non proghe)
doighi lustros riccos de suore
senza pessare a sos chi deppen benne
vaghe Signora Nostra 'e los mantenne
vina sos annos chentu a bon'umore
dende a sos nepodeddos tantu amore
a cantu ndana, a sos chi depen benne
best'in su ghelu a passizu sa luna
e cad'isteddu c'attoppa si vasa
pare chi sia nende attentu crasa
de porrire a d'ognunu a cada una
felice sorte, salude e fortuna
in base a su meritu a pres li dasa
e pessavo: a lis fatto unu muttu?
ma mana precetadu in su Parmasu
e si los pinto, in tela e rasu?
si messi su regalu pis bruttu
e tando app'ideau a batto a fruttu
de bos dare unu abrazzu e unu vasu
ma cale sonnu si s'este averadu
l'appo pessau, est giustu bollu gonte
pro faghere oje vesta in custu monte
unu gruppetto l'ada organizzadu
e s'iscadente nd'est su risultadu
unu de sos culpevoles est devronte
in s'isperu de essere perdonadu
s'iscusa cumpareddu Bore Ladu