Poesia in lingua sarda · Orotelli, 18-01-1986
Nunzio Cossu
Oh Musa, abberiai sos talentos
chi cante de Nunzio sos merittos,
ca sos merittos Suos su’infinittos
de poeta e criticu letterariu.
in Roma er diventadu legendariu
de nobiles e altos sentiraentos.
Dae Fighera, Guerri e Tumminelli
a Ungaretti, poetas e iscrittores,
vamosos registas e attores
li dana lodes cun Franciscu Flora.
Oe che tando er biu ancora
in Roma, e in sa Sua Orotelli.
Orotelli chi l’à dadu sos natales
in mesu sos affannos, fattu mannu.
A front'alta à binchidu s'affannu
afrontadu cun coro Franciscanu.
De front' a tottu, che unu Vate Spartanu
a triunfadu in sos cuncursos culturales.
In mesu sos affannos solu-solu
a triunfadu che un'eroe gagliardu.
At'alzadu de gloria s'istendardu
contr'a s'indigna mala sorte.
A chimbantases'annos sa morte
li à truncadu sas'alas in prenu olu.
Pro me es pesante e gravosu
a li tessere d’elogios sa corona,
in su regnu incantadu d'Elicona
sas Musas, che Re l'an'incoronadu,
e su lumene Suo es’intradu
in sos intellettuales imprriosu.
Cunferenzias, dibattidos e intervistas
vachiat'in radio e televisione.
Sos cuncettos filosoficos, s'opinione
sa critica Metalogica espressiva,
sa Sua eloquenzia cumpressiva
miraiat'a pius mannas conquistas.
Olaiat cun sognos de vantasia
de un'arcana virtude sovrumana,
cun fide sincera Franciscana
si poniat'a fiancu de sos tristos
poveros, pessichidos che a Cristos
dae s’ingratta mundana tirania.
De sas cosas trista vi dolente,
e amante de su belli e de su onu.
Profusu vit' in' Isse su perdonu
s'amore Cristianu, sa caridade.
Su mottu Suo viti Libertade
e triballu a tottu sa gente.
Un'appellu a ti e, oh zoventude
a omines e feminas de cultura,
e a chie à donu de natura
de iscrier'in Sarda poesia,
s'esempiu de Cossu, sa maestria
bos'illumine sa mente de virtude.
Ringrazio su Sindacu, su Consizu
invittados, amicos e parentes,
|sos ch'inoche oe sunu presemtes
a in'augurare custa Bibliotecca
Vachende, -Oroteddi- una Mecca
in lumen de su Tuo caru Vizu.