Nois, òmines
de Franco Maccioni

Boghes e lampos
custu sero
e lamentos
e unu fiotu de pizzinnos
ilmarridos,
disamparados!
Attesu lughes de gherra,
lampos de morte!
Nòis,
òmines de custu tempus,
poite non lassamos
in custa terra
pò seculos martoriada
vida, lughe e amore?
Assora,
poite non lassamos
puru a sos pizzinnos
un eredidade pò esser
semper presente
impignu, amore e virtude?
Tando,
faghimos in su mundu
ancora unu 'entu,
bastat puru
un alientu,
aggiunghinde peraulas
prinzipios
sentimentos bonos!
Gài,
abbaidande
mamas in pena,
ischimos pranghere
deabberu
cun "sentimentu"
ancora lambrigas!

Premiata a Oniferi nel 2006 ricevendo una segnalazione di merito.