Narami Predu, ses arribadu a cussu campu
S’Acheronte in barca c’as coladu
In s’attera isponda t’an lassadu
Ube b’at pache e non connoschen prantu?

Narami si ses in cumpanzia
De sos amicos chi as sempere chircadu
Chi non t’an mai delusu e as amadu
Senna cann’ is solu in s’attera vida

Narami chie e sos chi as vidu
In su locu chi prima e mene as visitadu
Si sos genios chi as semper istimadu
T’an accumpanzadu in su caminu

Sos prus dignos connoschen custa sorte
De vivere torra ma senza sos dolores
Immortales che a sos prus mannos eroes
Inube non b’at sufferenzia e morte