Malinconia
di Gesuinu Curreli

A sas cantones sa malinconia
cun d unu filu mantenzo ligada,
che i sos passos de sa vida mia
cando fit galu che cosa giogada.

Como pius attesu est pitzinnia,
bella in sa lontanantzia indeorada,
dulche comente s’ora ch’est bolada
e pro un’attimu appena happo godia.

Onzi fruttu ‘e sa vida dat licore
e a una punta de ranchidu misciada
giughet una lassada de dulcore.

Cun su sonu ’e chiterra in serenada
s’intendet carchi ‘oghe de dolore,
si est musica de un’istajone andada.