Ma sa bida si bestit de arcanos…
de Giovanni Piga

(A compare Nicola)

Galu chercu possente ti ses sicu,
como sa Fada non tesset in pache
suta sas frunzas tuas, in s’umbrache,
dies nobas serenas beraniles
chin dilicos murmutos de fochiles
chi tue carinnabas chin aficu.

Juchias in sa roca radichinas
chi de issa sughian fortza e briu
pro ti dare salude a su sentiu
e illépiu a su passu ‘e sa carena
ca su trabballu, in gosu e in pena,
ti fit lucore e pessu in sas fainas.

T’arbeschian sas dies in sos chizos,
chin su sole ridèndeti in pupias,
disinnande de sorte mezorias
e istajones d’ìnnidas isticas
ch’ingranian d’amore sas fadicas
pro sa Rosa dechia, pro sos Lizos.

Canta braga e lucore ‘e beridade
ti currian in benas fitianu
sichinde unu benente dinnu e sanu
pro chie pintu juchias in coro
intessèndeli ‘e bida unu tesoro
chin tramas biaitas d’onestade.

Ma sa bida si bestit de arcanos
e non semper s’ispricat in su zustu
dande s’apentu a chie s’at ifustu
s’esistèntzia in su poju ‘e sos sudores
ponende alas a sos prus minores
pro bolaren in chelos solianos.

No est istada chin tecus amica
rucràndeti a midade su Caminu
cando galu bisonzu su Terrinu
aiat de sole e frogas de lentore
pro dare granu e sensu a su balore
de sas intrannas tuas che ispica.

Commo pasa serenu, frade caru,
in sos umbraches ìnnidos de chelu
ca su nùmene tuo, che anghelu
inoche in terra a nois dat amparu.

 

Ma la vita si veste di mistero…

- Quercia ancora potente ti sei spento, / or la tua Fata non ricama in pace / all’ombra delle tue verdi fronde / nidi primaverili e giorni nuovi / con teneri bisbigli di focolare / che tu cullavi in seno alla speranza. //
- Nella roccia affondavi le radici / dalla quale suggevan forza e brio / che davano vigore alla tua mente / e sollievo ai tuoi passi senza sosta / nel tuo lavoro che, tra gioia e pene, ti dava luce e ansia nell’impegno. //
- I giorni t’albeggiavan sulle ciglia, / col sole gaio nelle tue pupille, / mentre pensavi a una migliore sorte / segnata da proficue stagioni / che granivan d’amore le fatiche / per la tua Rosa amata e per i Gigli. //
- Quanto orgoglio e verità sincere / ti scorrevan solerti nelle vene / inseguendo un futuro sano e degno / per coloro che stretti avevi in cuore / tessendogli di vita un bel tesoro / con trame di purezza e onestà. //
- Ma la vita si veste di mistero / e non sempre nel giusto si rispecchia / rendendo pieno merito a chi ha speso / l’esistenza in un mare di sudore / tessendo ali per i più piccini / perché volassero in cieli di sole. //
- Non è stata con te una vera amica / fermandoti a metà del tuo Cammino / quando ancora bisogno avea il Terreno / di sole e di germogli di rugiada / per granire il senso dei valori / della tua anima come una spiga. //
- Ora riposa in pace, amico mio, / nelle ombre vergini del cielo / chè il tuo nome, come angelo custode, / qua sulla terra veglia su di noi. //

1° premio Poesia in rima - Premio Biennale di Poesia in Lingua Sarda “A pes de Santu Padre” - Bortigali - 3^ Edizione - Anno 2013