LAGRIMAS CALDAS
Luisa Scarpa Chessa

Lagrimas mias chi calades lentas
in sos cavanos tristes già signados,
visionende sos tempos passados
a coro meu ponides turmentas.

Angustìa c’aggredis e m’ammentas
meses a annos recreos bolados,
senza mi nd’abizzare sun andados
lassendemi dolores e lamentas.

Proite sa ranziga nostalgia
s’anima forte la faghet tremare
furendeli pro sempre s’allegria?

Cust’est su tempus meu de andare,
como cumprendo it’est s’ingannìa
chi s’omine devet ereditare.