La nai di l’asettu
(1° premio Mamoiada 2004)

Curri la nai
garriga di sonnìi
e di disici
in una scia di soni
e di profumu asciuttu
di cansci di biddutu
e di lustrinu.
Scuntiviciati currini
contr’a la disfultuna
illusioni e inganni
di gjugna rangu,
bè assintati l’uni
ammuntunati l’alti.
Bianchi riflessi immaz’a l’undi
chi ingrispati di currintini
di pratta, s’apprestani
in chissu mottu chiettu
chena assentu,
la battini custanti
indibbilendi insembi a idda
colpu a colpu
la barra di l’omu
appruata.
Dulci un ventu
carigna middi cari
in chissu mari
chi ‘nnimmicu brama
immancabbili rillitti
ill’ultimu scasciu
d’una notti di festa
e d’alligria.
E a fac’a manu
lu tempu no laca
che agnati prufundi
calpiti illa mimoria
undi so’ molti
li spiranzi tantu attesi
e li suspiri di l’anneu
ch’accumpagna l’ori cunsumiti
ill’asettu di dumani.

La nave delle aspettative

Corre la nave/carica di sogni/e di desideri/in una scia di suoni/e di profumo asciutto/di gilè di velluto e di stivali di pelle lucida./Spensierati corrono/contro la sfortuna/illusioni e inganni/di ogni rango,/ben sistemati gli uni/ammassati gli altri./Bianchi riflessi sulle onde/che increspate da piccole correnti/ d’argento, si apprestano/in quel moto quieto/che non conosce riposo,/la battono instancabilmente/ indebolendo insieme a lei/l’arroganza dell’uomo/sulla prua carica./ Dolce un vento/accarezza mille facce in quel mare/che nemico brama/immancabili relitti/ultima pazzia/di una notte di festa/e di allegria./E al mattino presto/il tempo non lascia/che angoli profondi/scalfiti nella memoria/dovo sono morte/le speranze tanto attese/e i sospiri della noia/che accompagna le ore consumate/nelle aspettative del domani.

Gianfranco Garrucciu