La difesa di la patria
di Pompeo Calvia

Imbuffaddu a talentu è Cicciu Rudda;
da ghi è istaddu una chedda in cuntinenti
più no cunnosci la ciogga minudda.
Arimani dizia cu la genti

Chi abà par eddu Sassari è nienti,
Piazz'Azuni e Ruseddu no so' nudda,
Santu Niggola no vali una trudda.
A chiss'iscidda Giuannicu Ebardenti

Che una pibbara iscioppa e ti l'agganza,
acutu acutu che punta di lanza:
- Santu Niggola - dizi - è sobbra a tutti

L'altri gesgi, e si fussi imbianchinaddu,
tintu a biaitu, a grogu e be' arrangiaddu...
di San Pietro di Roma si n'affutti.

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!