L'ischis...
de Antonio Sannia

L'ischis chi donzi riu,
tenet una funtana,
calande a mare abbratzat donzi cosa,
comente intro 'e su niu,
sa mama fittiana.
carignat sos pitzinnos che diosa.
Sas abes a s'arbore,
che suzan da' su frore,
sa froa prus licchitta e prus nuscosa,
mudàndela in dulcura
che bellos, friscos ranos de bonura.

E l'ischis ch'in beranu,
sa mèndula frorida,
dat amparu a su 'olu 'e sos puzones;
sa luna, su manzanu,
in su chelu dromida,
pesat cun sos isteddos sas cantones
d'un' àtera anninnia,
po chi' est chena ghia,
cun su coro inserradu intro 'e presones,
ue non b'at afficcu,
che pedras tundas in su riu siccu.

L'ischis chi non b'at ora,
po prangher in sa rena,
cun sos ogros infustos da' su mare,
mirande s'aurora,
in custa terra anzena,
inue s'ama sighit a cantare,
càntigos de dolore,
rànchidos de sabore,
chena lozas po poder reposare,
e nemmancu un inserru,
in sos frittos trighinzos de s'jerru.

Torrat s'iscurigore,
amigu in custa vida,
ch'iscanzat su jannile 'e su passadu,
ue non b'at lugore,
in s'ànima ismarrida,
ch'addurat, l'ischis, nuda in s'impedradu.

Lo sai...

Lo sai che ogni fiume
ha una propria fonte,
mentre scende verso il mare, abbraccia ogni cosa;
come dentro il nido
assidua, la mamma,
carezza i bambini come una dea.
All'alba le api,
succhiano dal fiore,
la linfa più gustosa e profumata.
trasformandola in dolcezza,
come belli e freschi chicchi di fortuna.

Lo sai che in primavera,
il mandorlo fiorito,
dà riparo al volo degli uccelli;
la luna, al mattino,
nel cielo, addormentata,
con le stelle eleva le canzoni
di un'altra ninna nanna,
per chi è senza guida,
con il cuore rinchiuso dentro prigioni
dove non c'è speranza,
come pietre rotonde nel fiume in secca.

Lo sai che non c'è ora,
per pianger nella sabbia,
con gli occhi bagnati dal mare,
osservando l'aurora,
in questa terra straniera,
dove il gregge continua a cantare,
canti di dolore,
dal sapore amaro,
senza tettoie per poter riposare,
e nemmeno una clausura ,
nei freddi sobborghi dell'inverno.

Ritorna l'oscurità,
amica in questa vita,
che spalanca l'uscio del passato,
dove non c'è chiarore
nell'anima senza forze,
che resta, lo sai, nuda nel selciato.

Premio speciale "Franco Marongiu" - Sezione poesia sarda inedita "Antonio Sanna" - 57° Edizione "Premio Ozieri" - 2016