Frimat’in que fizu‘e sas isperas
e aperi sas oricas iscussertas
cussas fides anzenas sone fertas
ponen’a dubbiu sa sovranidade
de chie est veru rè in beridade
e dominat dae artu‘e sas aeras.

Jeo soe babbu‘e sos predicadores
e sas manos mi contan sas istimas
de sos craos cravados in sas chimas
de sa ruche chi trazo“ue sa fide
est fatta‘e vera lughe po mi‘ide
po mi connosche chei su sarvadore.

Jeo Onnipotente chi cumprendas
cantu contat su chelu chi adorat
sa die de sa pache chi colorat
sa puresa‘e s’anima in carinnu
si de mene tue cres e si ses dinnu
biaza chin tempus e mai t’arrendas.

No non ti perdas in attera favedda
est furistera cussa mente in que
purrunzada dae atteros inue
bidet su chi non deppede ira mala
est su dimoniu t’est tirand’a un’ala
cantat e godit chin sa missa niedda.

Sonniadore de aeras tue sias…
frunzas de sole pica in cada zassu
ruga su tempus ma mira su passu
si cheres pache chin s’anima canta
precami e implorati a Maria Santa
biaza chin s’umiltade‘e sos messias.

Jeo soe su Deu…chi cherzo precadu
jeo soe sa terra su mare s’aera
jeo soe su ‘entu su sole s’ispera
sa lughe chi nde pesat su manzanu
jeo…ti aco donu e ti lassare sanu
si cres…a cantu…jeo…happo creadu.

Poesia dedicata alla santa Pascua.