S’Italia e s’emigrazione
di Celestino Caddeo

Cuntemplo cust'Italia formada
de tassas, subratassas e dirittos,
marcas de bullu e de carta bullada,
de tributos, cumpensos maledittos,

de multas, de ammendas e conflittos;
poi b'hat daziu e dogana elevada,
proendas mannas, mossos e mossittos
e unu mare de fura cuada.

Chie trabagliat pagu, pappat meda;
chie trabagliat meda, pagu papat
e si la passat sa vida maseda.

E gai tanta zente bisonzosa
cun suspiros e lagrimas iscappat
de Colombo a sa terra generosa.

(Dualchi, aprile 1910)