Madriche de lamentu e de rajolu
istriulas che cane mortorzariu
chircande su perdonu in su brasariu
finis chin s’ae in francas a su‘olu.

Pares de su dimoniu su corzolu
cherveddi furriada in su croffariu
chircas su bene chi ti mancat variu
po ti pasare s’anima in su dolu.

E caminas caminas passi lena
chin ancheras de piche chi sustentan
arraustos de antica cantilena.

Paraulas andalusas de granghena
chi che fin sutterradas ma t’amentan
ca ti caentat s’ifferru sa carena.