Ispricu ‘e luna
di Salvatore Ladu

Impuddile ‘e incanta
Fazz'a mare in sa rocca
Gosu m'est e cossolu
Cuffessandemi solu
Cun tegus solu ebbia
Asulu illacanadu mare meu.

A una luna 'e prata
Li faghes de ispriccu
Cando lassinat lena
Che umbra 'e lentolu
Una barchitta de sonnios prena
Banzigada cun prua a s'infìnidu
Invitande sos pisches a ballare
A sos cales dimando
De frades chi han riposu
In fundos cristallinos: Bene meu.

Unu cantu bos mando
Cun lacrimas caentes
Poi chi m'han sulcau
Sa cara ‘e ghiddighia.

Aperjo s'oju e bio
In s'unda est a passizzu una corona
Una corona 'e vasos
Che vois innossentes
Fatta dae sa zente
Dae sa zente 'e mare
Chi sonniat prò vois
Unu mare chen'undas
Inue paghe e mudesa s'isposana
Cun bentoso in favore
E fundales drommios.

Marreri