Is valoris de Uda
di Peppuccio Foddis

Uda pagu arremonat,
de is'abitantis nostranus,
de is valoris ki ti cuanta,
po nò ponni in mosta scola.
De mannus valoris consideràt,
cosas toccadas cun is manus;
de sa storia mai si fuanta,
po s'archeleogia de S.Nicola.
Si nò s'aparit meda noiosu,
ndi descriu pagu aspettus,
circhendi de nò fai dannus,
ponendi in mostra mistieri.
Cumenzendi de Monti Arcosu,
su misteru de is Bronzettus,
scrobeta tra is prus mannus,
custu 'è precisu ki neri.
Uda de zona umida piga nomini,
sa prus'antiga de su circondariu,
custus funti is momentus nodìus,
ais'abittanti po ponni paura.
Pagu cosas ndi iscidi s'omini,
no arregodai donnia annu agrariu,
affiancàt de dus mannus arrius,
ca de su mari è bascia s'altura.
Imoi toccaus a sa Santidadi,
quasi de su mundu connotus,
de Artistas, Poetas è visitat,
po sa Monserrada Virgini Maria.
Centru bellu de Religiosidadi,
po medas devotas e devotus,
de custa Santa tanti rinomàt,
ki de miraculus è casta e Pia.
Po consolai meda cristianus,
arribàt in seculu dodicesimu,
si podit nai storicu colossu,
po benedixi custu terresti.
Cresia rifatta de is Pisanus,
momentu precisu e medesimu,
Uda dda naranta Udaiossu,
distanti de accantu esti.
Is'abbitanti fianta orgolliosus,
de bivi in custa malsana zona,
ca diaici fianta status allevaus,
tra agricoltura e sa pastorizia.
De s'epoca noi fiada S.Umbrosu,
cun Giusta e ki faidi de Patrona,
cun Isidoru e Luxia festeggiausu,
e altrus ki funti in primizia.
S'uttima parti ki eus connotu,
mancu issa bella e frisca,
tardi si fianta accataus raccontu,
ki parit unu giogu.
Is fabricas avvelenanta totu,
distruggendu, cassa e pisca,
ca is logus funti inquinaus,
cun tanti velenu e de fogu.
Oi sì credeus tanti civilizaus,
in totu si faidi chistioni,
cun coru barbaru meda duru,
circantas de distruggi paxi.
De s'ingannu seus maltrataus,
e sparessia esti s'arreligioni,
ca passiva atturada Uda puru,
cosa ki a nemmus podit praxi.

(Uta)