Cantoris de Biddanoa
de Santu Cristu
e de Santu Anni
estremaus e dignus
cantoris de Cida Santa
a campanas ammutaras
bistius de penitenzia
e gutturus inchietus
apparaus e obertus
arrubius de izzerrius
contra a is traitoris
cantoris de pena e de doloris
avattu a su Crucifissu

po is antigas arrugas
de Biddanoa
in mesu a su bonu
antigu populu de Biddanoa
a fentanas
de cinixalis mantas amuradas
e nenniri in is antigas domus
de Biddanoa
nenniri de scuriu marriu
nenniri de affinu
poi s antigas cresias
de is cantoris

maistus ferreris e fusteris de primori
maistus cantoris de is Misteris
e de Resurrezioni
candu a s’Incontru
in totunu a su noeddu arrepiccu de is campanas
de arrepenti nd’arziada a celu
sa grandu boxi insoru
e de asulu incrispiat
cun s’allutu ischiliu de is varzias in rodia: Gloria!
Gloria! Gloria currit po s’antiga Biddanoa!

 

E’ gloria: in Biddanoa de Casteddu.
(I CANTORI. Cantori di Villanova di Santo Cristo e di San Giovanni meravigliosi e degni cantori della Settimana santa a campane mute vestiti di penitenza e gole sdegnate tese e aperte rosse di grida contro i traditori cantori di pena e di dolori dietro il Crocifisso per le antiche strade di Villanova in mezzo al buono antico popolo di Villanova a finestre di cinerini drappi abbrunate e fior di grano nelle antiche case di Villanova grano pallido di buio grano d’angoscia per le antiche chiese dei cantori maestri fabbri e falegnami eccellenti maestri cantori dei Misteri e di Resurrezione quando all’Incontro in tutt’uno al novello suono delle campane a stormo d’improvviso sale al cielo la gran voce loro e d’azzurro vibra con l’acuto grido dei rondoni roteanti in volo: Gloria! Gloria! Gloria riecheggia per l’antica Villanova! E’ gloria: in Villanova di Cagliari!)

C.P

©. 2026 Aquilino Cannas - Tutti i diritti riservati