Est totu arèmu in sa carrera ‘e Gaza
chin sinnos de iscùriga tristia,
pitzinnos chentz’alenu e ne salia
in buca, sono a gridos, nende:bostu!
E rundineddas a bolu iscompostu
pro fagher nidu nou...chircan paza.

Ah, cantas lughes in su chelu ‘e Gaza
bocchint sa punna ‘e sa die futura...
...e cantu prummu allutat sa pranura
post’a sos pes de su Mont’ ‘e s’Ulia
umb’ancor’abboghiènd’est su Messia:
“tzessa Israele... custu maza maza”

Est disisperu in terra ‘e Palestina
umbe fumos de morte an fatt’umbraghe,
solu s’isperu ‘e unu cras de paghe
at a mudare in ranu, sa chisina.

Terzo premio al concorso di poesia in lingua sarda “Serafino Masala” Bultei 2024