Poeta in lingua sarda
Cristoforo Puddu
Autore della poesia “In tejanos tempos”
Vai al profilo del poeta
Poesia in lingua sarda
In tejanos tempos
In tejanos tempos
forsis fimus
sìziga passione
in su licantzu
frutu cumpridu
de niedhas muras
de rù o morighessa.
Ateros tempos
rujos lidones,
ruarzu cràbinu
e fiores de mudregu.
Forsis zuncu
de terras benàtiles,
filighe imbènnidu
e magras de chessarzu
o -pessa amore!-
lanaritzu in sas rocas,
calighe de muru
…acabidadu e pintadu
pro zogu de pitzinnos
in sas carrelas de su mundhu.
Oe, carena
e ascra de tejanos tempos,
apilliados a su sabore
ingranidu de amore.
Riconoscimento
Cristoforo Puddu
2012
Menzione D'Onore
”Premio di Poesia Sarda - Escolca”