In s’oru de su mare
de Anna Maria Sechi

Ecrit sur le tombeau d’un petit enfant au bord de la mer
De: Victor Hugo

Iscritu in sa tumba de unu pizinneddu
bortada in sardu dae /anna maria sechi

Edera betza, ervita frisca, ervas, ru, corollas,
Crèsia ue s’ispiritu bides su Deus chi sonniat in aterue!
Muscas chi murmurades inefabiles peràulas,
A s’urija de su pastore drommidu in sos fiores!

Bentos, undas, innos burrascosos, coros sena fine, boghes sena numeru,
Padentes chi fàghides sonniare su passante seriu,
Frutos chi rùides dae s’arbure impenetrabile e ìscuru,
Isteddos chi rùides dae su chelu misteriosu!

Putzone a su cìulu allegru, undas a lamentos fùngutos ,
Fritas tzilighertas de sos muros betzos, de pedra
Baddes ch’isparghides s’àlenu bostru subra sas undas,
Mare ue sa perla isbòcciat, terra ue sirit s’ìspiga!

Natura dae ue totu bessit, natura a ue totu torrat a rùere!
Fotzas, nidos, ratos chi s’àera no osat carignare,
Non fètedis burdellu in giru a-i custa tumba,
Lassade drommire su pizinnu, e-i sa mama pianghere!