Ill’ultimu sfinì

Àndani a battì
chi’, illi rocchi,
li sònnii disiciati
e abà turrati a nudda.
In chissu risciumà
come d’undi inchietti
a lu scóddu zèdini
la folza e la sustanza
ch’ani ‘ndrentu.
A li ‘olti
ill’inceltu d’un àttimu
in un carignu làcani
l’annéu
d’un tempu ch’è passatu,
ma poi s’apprèstani
illu spignì furriósu
di lu mottu
a cavaccalli torra
come primma.
E àndani a battì
in chistu tribbulà
chi no à fini
com’una danza antica
líbbara di funi
o altu liamentu
a mantinelli,
tamente chi la luci
a primma séra
laca di chista tarra
ràncic’ammentu.
Tandu
candu ill’últimu sfinì
di li me’ pinsamenti
felmu e arreggju
in chissu cantu dílicu
di fati e di sireni
cilcu lu celi
a paldimmi siguru
ch’è criatura
immezu a middi stelli.

=========
Nell’ultimo sfinire

Vanno a sbattere/lì, sulle rocce/i sogni desiderati/dissolti ora nel nulla./In quel vortice di schiuma/le onde inquiete/cedono agli scogli/la forza e la sostanza/che hanno dentro./Alle volte/nell’incertezza di un attimo/in una carezza lasciano/la dolce noia/di un tempo ormai passato,/ma poi si apprestano,/nello spingere furioso/del movimento delle onde,/a sommergerli ancora, brutalmente,/come prima./E vanno a sbattere/in questo tribolare/che non ha fine/come una danza antica/libera di funi/o altro legame/a tenerli,/fino a che la luce/all’imbrunire/lascia di questa terra/un amaro ricordo./Allora/quando nell’ultimo sfinire/dei miei pensieri/mi fermo, immobile,/circondato da quel sensibile canto /di fate e di sirene/cerco il cielo/a perdermi, sicuro,/come un bambino/in mezzo a mille stelle.

Gianfranco Garrucciu - Bono 04/03/2006