HOE HAPO CANTADU
Luisa Scarpa Chessa

Hoe hapo cantadu a boghe ‘istesa
cun sa chiterra mi’armoniosa,
su compleannu meu de isposa
ammentadu cun briu e fieresa.

Sos annos decretadu han sa ‘ezzesa,
ma sent’ancora profumu de rosa,
de cussa die bella, preziosa,
cand’amus nadu “SI” cun siguresa.

S’attraessu de sos tempos generosos
in mente ancora bios los bidimus,
recreados de benes amorosos.

De una die a s’stera sighimus,
isettende mamentos dolorosos,
est cando tristes pro sempre partimus.