| Forrogu
su cèlu
Candu ollu,
seu bona a forrogai su cèlu,
po pinnigai perdixedda asula
a fragu de bentu e mari.
Non potzu campai
senz’e su sonu de is follas
chi baddant sighendi
su nuscu de is lavas mias disigiosas,
chi cantant s'amori po sa vida.
Abarru incantada
setzia in s'atza de su bisu,
abettendi chi su cèlu
m'arruscit a pitzus
sa spuma asula
e bistìa de sposa,
basu a Deus
chi m'at arregalau sa passioni
po sa natura
e su donu de su spantu.
|
Frugo il
cielo
Quando voglio
sono brava a frugare il cielo
per prendere pietruzze azzurre
profumate di vento e mare.
Non posso vivere
senza il suono delle foglie
che ballano seguendo
l'aroma della mia bocca rossa
che canta l'amore per la vita.
Rimango incantata
seduta nel bordo del sogno
aspettando che il cielo
mi rovesci addosso
la spuma azzurra
e vestita a sposa
bacio Dio
che mi ha regalato la passione
per la natura
e il dono del sorriso. |
