Massajos, cun afutas e suore,
da terra iscruada incunzant trigu;
sos inzateris in su logu aprigu,
pastinant matas chi jant bonumore.

Sos poetas allevant su fiore
de s’amistade e su cantigu amigu,
chi fintzas intro su sinu mindigu,
abacant angustia e su dolore.

Lassent ficcadas a sos benidores
abincas de s’alada fantasia,
ue bolent su gosu cun recreu.

Abovent tristos lutos e s’ispreu,
donzi versu ’e sintzera poesia,
at esser mitza ’e terrenos amores.

Ilartzi, su battoro ’e martzu 2005