Poesia in lingua sarda - Iscanu, 7-10-2000
Finitia
Lanzos, nodosos, mudos, matziganos
che giompresis in su campusantu
sena fruttos chi lompen, ne incantu
de frores chi los muden in beranos;
gai los assimizo, pagu sanos,
sos betzos nostros ch’an gherradu tantu,
prenos de males, cun su tristu mantu
de s’nneu chi los faghet solànos.
De si chirrar’a banda in finitìa,
istintu est de s’omine e sa fera
comente ch’in su tazu sian de pesu;
sinzada e dolorosa est sa via
e pro tottus est tzerta e sa prus vera,
iscur’a beru chie no l’hat cumpresu.