E torro pitzinnu
di Larentu Pusceddu

Ti miro
che betzu
ch'idet in bisione
sa zoventura sua.

Acurtzu a tie
sos annos
chi mi pesan,
fuin che bentu
…e torro pitzinnu.

Su matessi
tocheddu de coro
carinnandedi sa manu
caente che sa vida
chi mi fuit
e non poto tratenner.

E tue
innossente
cheres dae me
paraulas nadas a tantas,
ma sun tropu bellas
pro las ripitere oe, inutilmente.

(Inedita)