Duas limbas - duas vidas
de Vanna Flore

A iscola so andhàda
su zistru m’hana cambiadu,
m’hana postu da iscolana
unu novu sambenadu.
Dae sa màstra
hapo imparàdu,
su limbazu
istampadu.
A s’arvèschida
a marràre,
a mangianu
in grembiàle.
A denòtte
a carasare,
a didìe
a istudiare.
Su lunis
a iscola,
su martis
in campagna,
mi che so
fatta manna.
Allego oje sardu
cras italianu,
duas limbas in pare
si junghene sa manu.
A imparare italianu
a iscola so andhàda,
a iscriere su sardu
a su bancu so torràda.

Melagranada