a Franzischinu Satta

De istatura media formadu,
cun sos lineamentos delicados
los giughia sos cavanos sulcados
a pilos longos, liscios, brizzoladu.

Bucchi normale e nari arrotundadu
origi mannu a lobos istaccados
ogi castanzu in s’orbita ischeados
de materia nobile impastadu

fu Franzischinu geniu profundu.
Un’eroe in s’iascritta poesia
ch’in Saldigna non b’iada uguale.

S’a mesu bustu sa fotografia
t’appo fattu, no tinde palzat male
e riposes in paghe in cuddu mundu.