DAMI SEMPRE CUST’ ABBA

 
TUE NARAS A CHIE EST SIDIDU:
“DEO SO S’ABB’E ETERNA VIDA”
TANDO CUST’ ABBA TI HAPPO PEDIDU
GRASCIA DAE TEMPUSU PERDIDA:
“DAMI SEMPRE CUST’ ABBA, O SIGNORE
DAMILA, CA SO SEMPRE PECCADORE”.

SES DE SA ETERNA VIDA FUNTANA
ABBA DAE SU CHELU CRISTALLINA,
OGNI NOSTRA MALADIA EST SANA
TORRAD ’IN GOSU S’ANIMA MESCHINA,
ABB ’E SAMBENE HAS DAD ’IN SA RUGHE
PRO OGNI PECCADORE VIDA E LUGHE.

“MANIGA RABBI” NARAN CUN AFFETTU
“O ATTERE T’HAT DAD ’A A MANIGARE”
CA TUE FAEDDAS DE ZIBU SEGRETU
CHI SOLU PODEDE ACCUNTENTARE
RIVELAS: “ES SA SANTA VOLUNTADE
DE DEUS SA NOSTRA SAZIEDADE.”

“MI HA NADU SU CHI HAPPO FATTU”
ANNUNZIAT SA FEMINA INTANTU,
DE SU MESSIA FAGHET SU RITRATTU
“FORSI EST’ISSE SU PROFETA SANTU”
RESTA IN SA IDDA NOSTRA SIGNORE
IN TE CREIMUS, SES SU SALVADORE

III DOMENICA DI QUARESIMA

don Tonio Sau (parroco di Ittiri)