Cudhos chi cumandhana
de Peppinu Rosas

Si cumandhades tottu sa nassione
sena bos'aer dadu su mandhadu
impress'impresse azis'aprovadu
una leze po sa zivile unione

e battor bancas azis salvadu
e sos chi an rapinadu onzi persone
sas provinzias puru azis annulladu
abolide puru sa sarda Regione

da candho b'est custu guvernadore
de su partidu de sos non elettos
a postu sa Sardinna for'è usu

su sardu tribagliu nò at piusu
e d'est sempre pagandhe sos difettos
de cunsizeris sardos senza onore.