Creo
di Cristoforo Puddu

Noest ischire
s'ostinu 'e sa morte
chi m'impedumat de vivere
e chiracre s'amore Tou:
in sa mutria 'e s'irmurinada
sa 'oghe Tua isetto.

Tue che su sole
connosches sos arcanos
chi su tempus sìnzada
e deo pilisadu creo
che pecadore d'esser luidu.

Creo in sa mannaria Tua
che su bedustu massaju
ch'idet Deus abbrossare
su trigu in tulas adustas.

Creo:
como incunzo dae s'anima
aunzos e sidhados.

(Illorai)