Cosas de Vida
di Gigi Piu

A calchi rima, ranchida che fele,
rispondet calchi frase colorida.
Ateras boltas modero s’isfida
A s’istintu bonariu fidele.

Ma calchi ’olta, perfidu, crudele
Che cario s’ulteddu in sa ferida,
ca si tratto sas cosas de sa vida,
non podet esser totu saba e mele.

Francu cheria esser e leale,
sena malignidade o ingannìa
Però sa veridade faghet male;

Ma si m’azuo cun sa fantasia
est che in sa padedd-a ponner sale
e dat sabores a sa poesia.

Magumadas bennalzu 2002