Condoglianzas
di Mimmia Soro

S'Onnipotentente Divina figura
hat istudadu cussu lampione
chi un'intera generazione
had'abbellidu sa sua lugura.

Como de duas Mamas sa calura
mancat, pro via de s'emigrazione
de una tenet culpa sa Regione
de s'atera est sa morte disaura.

Si cuss'anima santa est isparida
a nois hat dassadu onestu fruttu
ch'in coro lu tenimus tota vida.

Tres naziones piantu han'a sucutu
deo mi onoro de l'haere connoschida
e cummossu partecipo a su lutu.

(Olanda)