Comu li frondi
di Gianfranco Garrucciu
vincitrice a San Sperate 03.08.08

Comu li frondi
a lu pisà di lu ‘entu
libbari bolani
cussì si so turrati
umbuli
li me’ felmi e farrati
celtittù.
Palchì lu tempu
illu currì di l’anni
féri e scumponi
puru li muntagni
e lu granittu tostu
in pulvara si sfaci
e poi si paldi.
Di chissu chi cridìa
puru lu nuscu anticu
s’è paldutu
sparutu da l’agnati
tinuti a caru contu
illa mimoria.
Cussì soch’eu
pultatu da li ‘enti
di timpesta
in chisti seri,
in camini buggjosi
e debbili tramonti
chi bramani la notti…
notti chi dulci m’assuperia
e rancica m’allevia
e m’assirena.

Come le foglie

Come le foglie/all’alzarsi del vento/libere volano/così si son ridotte/le mie ferme e ferrate/ certezze. /Perché il tempo/nello scorrere degli anni/intacca e dissolve/pure le montagne/e il duro granito /polvere diventa/e poi si perde./Di quanto credevo/pure l’antico profumo/si è perso/scomparso dagli angoli /tenuti a caro prezzo/nella memoria./Così sono io/spinto dei venti/di tempesta/in queste sere,/per strade buie/e deboli tramonti/che bramano la notte…/notte che dolce mi sconvolge/e rancida mi allevia/ e rasserena.