Solitaria coment''e un'arriu,
casi lòmpiu a sa foxi de sa vida mia
s'innestat in s'orrorosa sa notti chene acabu.

S'indi andat da suncunas a s'inv'ingurtiri
intru de is orus desertus de su disimparu.

Totu' is canzonis mias facci a su mari nieddu
s'inci portat cun su turmentu de una musica lèbia
aguantada in vida cun is ogus de sa billa;
buccali de una boxi de meli e de prantu.

Arrìu no m'hap'a perdiri prus a ti castiai
mentras curris a su spentumu de is acabus,
segau a ferrus de su sonniu e de is amostus.

Mi 'ollu preniri su coru de froris e sprabaxai
mentras ti perdu in fua cun sa musica tua.

E bosatrus no m'indi pigheas su soli de is ogus
nemancu cun su prantu de una nui passillera
e lassai chi dogna nea bengat a mei
coment''e un'isposa.

C.P

©. 2026 Efisio Collu - Tutti i diritti riservati