Chent' annos
de Salvatore Fancello

(a Mamma )

Che linna 'e chessa murin' attarzina
de su monte, atticchia interi attas
e interi suludas inadattas
a reventire semen cottichina.

Ponende derre a sa natur' asprina
chentenaria agarrada 'alu t' acattas
attattaliada dae sas medas mattas
chi ti torrana linfa a raichina.

Cantas bortas han bistu frittu e nie
e carestias e bisonzos mannos
cussas pinnicas como manos tuas !

Eppuru temperada a dies cruas
ses lompende braghera a sos chent' annos,
grassias a fizos e grassias a tie !