Cantu podet sa paraula
di Rosina Cossu

Cando s’umanu at Deus creadu
de uno faeddu fattu l’at donu
a bortas malu a bortas bonu
de s’impreu libertade l’at dadu.

‘onzi paraula at significu
Chi brotat dae cussu fundamentu,
a chie dat gos’ a chie turmentu
faeddu o mudu o troppu riccu.

Non sempre issa est ben’impreada,
d’arrabiu, insensad’imboligosa
o macca, brutta e ingiuriosa,
mezus paraula muda che nada.

Pro antigos nostros fit giuramentu
E sinzeru signu de onestade
Solo un omine de calidade
Non beniat mancu a cuss’ammentu.

Chena paraula non b’at amore
Chena unu faeddu non b’at cantos
Ne cunfortu e preces pro sos
santos, a bias illebiat su dolore.

Cantu fit durche sa oghe de mama
Cantendemi pianu s’anninnia,
cun su coro serenu mi drommia,
ninnende s’aboju de una brama.

Una consizu bos apo a dare,
faghide bon’usu ‘e sos faeddos,
siedas de insinz’a sos piseddos,
s’odiu in amore potan jambare

Segnalazione al XXVI Prèmio Logudoro Ozieri