Ulassa,
log’e incantu,
ma tue l’ischis
de cantas bellesas
ti poter bantare ?
Roccas,
gruttas fungudas,
abbas chi falan furias dae su monte,
buscos d’elighe,
frores’arestes.
Chin milli colores,
sa Natura
s’es cherfid’appentare,
pro fagher’unu paradis’in terra
ch’ispanta sardos’e turistas.
Ulassa,
log’e incantu,
ma tue l’ischis
de cantas bellesas
ti poter bantare ?
Nuraghes, tumbas,
creias in su sartu,
cumbessias,
domeddas’antigas,
fontanas’intr’e idda.
E zent’onesta,
manos de oro
chi sighin s’art’e su tessinzu,
faghen taschittas’e tazzeris,
dilicadas licanzias.
Ulassa,
cantas bellesas !!
Su entu ch’est’una ricchesa,
s’amore pro sa cultura,
sos versos de paghe…

Poesia terza classificata al Premio di poesia sarda “Istillas de lentore” di Ulassai (Sesta Edizione – Anno 2012)