CANDO SEMUS CUNTENTOS
Luisa Scarpa Chessa

Cando semus cuntentos su sorrisu,
comente sole brillat in sas laras,
su bonumore s’idet in sas caras
s’affettu ti dimustrada prezisu.

S’espressione de s’aménu visu,
costante ti regalat lunas giaras,
sunu che bellas undas marinaras
colpu de fulmine e s’improvvisu.

Si vivet mezus in su caru mundu
senza intragnas feas né dispettos,
est piaghere mannu fin’a fundu.

Dende s’adìu a malos progettos,
chrchend’amore in sensu profundu,
cristianos sinzeros e perfettos.