Pro Annalisa e Istevene

Binu ‘e sos isposos
di Giuseppe Concas

Buffade su suzzu ‘e s’isermentu
su fruttu iscuisitu chi da’ sa ide
samben’ ‘e Deus e de sa Santa Vide
e pane e aba pro su Sacramentu.

Ca pro nois arrivadu e su momentu
de nos’unire e bois divertide
armoniosa sa festa faghide
in modu ordinadu cust’eventu.

Onorandenos custa felice die
orgogliosos nde semus e contento
no resta solu e bos ringraziare.

Ei su Babbu Eternu da inie
sa conca sana ei sos sentimentos
fin’a chentannos de collassare.

Bolotana, 20 giugno 2009