Benide a mandigare a domo mia
di Anghelu de sa Niéra

Benide a mandigare a domo mia
animas chi gia m’azis ajuadu
bos siet sa banca aparitzada ebia
de ciciones de inu e de dulcadu

gradida, che cando cun bois fia
e cun dulcura gia m’azis pesadu.
Lasadu logu at su sole a sa iddia
e deo pro bois tando apo pregadu.

Benide a istranzare animas caras
totu sa banca est solu pro a bois
in custa note de paghe e de amore

Prima de boch’andare, tocademi sas laras
comente sempre amus fatu a bois
e torrade luogo dae Nostru Segnore.