Bènimi chin su sole
de sar miradas tuas
po chi sos ocros mios si pàscan
de cuss'incantu
ch'aperin chelos
a iscaccallios de risu.

Bènimi chin cuddos
passitteddos
chi mi dànzan
in coro
furisteras melodias
e bisiones d'astros lontanos

Bènimi chin su cantu
che codda 'oche tua
chi s'anima m'inundat
de cantones de vrores naschinde.

Bènim'
e porrim'
in manos
su donu 'e sa vida,
che un'Ostia d'amore.

Bàttumi
su chi su sole non connoschet.